नगरसेवक दीपक नामदेव जाधव यांनी आपल्या प्रभागातील (विशेषतः दिवा, आगासन , दातिवली, म्हातार्डी, बेतवडे परिसर) प्रलंबित प्रश्नांवर प्रशासनाचे लक्ष वेधले

ठाणे : शुक्रवारी पार पडलेल्या ठाणे महानगरपालिकेच्या २०२६-२०२७ या अर्थसंकल्पीय महासभेत प्रभाग क्रमांक 28 मधील नगरसेवक दीपक नामदेव  जाधव यांनी आपल्या प्रभागातील (विशेषतः दिवा, आगासन , दातिवली, म्हातार्डी, बेतवडे   परिसर) प्रलंबित प्रश्नांवर प्रशासनाचे लक्ष वेधले आणि खालील प्रमुख मागण्या केल्या: 

👉ठाणे महापालिका शाळा क्र. 88 चे नूतनीकरण करावे.

👉शाळा इयत्ता 1ली ते 10वीपर्यंत (CBSE पॅटर्न) सुरू करावी.

👉महापालिकेच्या शाळेत इंग्रजी माध्यमाचे वर्ग सुरू करावेत.

👉आगासन, म्हातारडी व बेतवडे येथील स्मशानभूमींचे नूतनीकरण करावे.

👉आगासन व दातिवली येथील रेल्वे फाटकांमुळे होणारी वाहतूक कोंडी टाळण्यासाठी दोन्ही फाटक बंद करून त्या ठिकाणी रेल्वे उड्डाणपूल (ROB) बांधावा.

👉आगासन व देसाई गावांदरम्यान खाडीवरील पुलाचे रखडलेले काम तात्काळ सुरू करून लवकरात लवकर पूर्ण करून लोकार्पण करावे.

👉 दिवा शहर प्रवेशद्वारावरील छत्रपती शिवाजी महाराज यांच्या अश्वरूढ पुतळ्याबाबत आनंद व्यक्त करत, त्याचप्रमाणे डॉ. बाबासाहेब आंबेडकर यांचा पूर्णाकृती पुतळा दिवा शहरात उभारण्यात यावा.

👉आगासन गावातील दोन्ही गणपती घाटांचे नूतनीकरण करावे.

👉 दिवा शहरातील भटक्या कुत्र्यांचा बंदोबस्त करावा.

👉भटक्या जखमी व आजारी कुत्र्यांवर उपचार करून त्यांचे निर्बीजीकरण करावे.

👉तरुणांसाठी नवीन व्यायामशाळा उभारून आवश्यक व्यायाम साहित्य उपलब्ध करून द्यावे.

👉 प्रभाग क्रमांक 28 मध्ये नवीन आरोग्य केंद्र उभारावे.

👉दिवा शहरात पुरेसा व मुबलक पाणीपुरवठा करण्यासाठी तसेच पाणी चोरी रोखण्यासाठी आवश्यक उपाययोजना कराव्यात.

👉प्रभाग स्वच्छ, सुंदर व सुरक्षित राहण्यासाठी नियमित साफसफाई व आवश्यक उपाययोजना कराव्यात.

👉पावसाळ्यापूर्वी गटारे व नाल्यांची साफसफाई करून पाणी साचणे, पूर व रोगराई टाळण्यासाठी उपाययोजना कराव्यात.