बेतवडेतील भूमिपुत्रांच्या आंदोलनाला बळ देण्यासाठी शनिवारी आंदोलनस्थळी बैठक

मॅराथॉन कंपनीविरोधातील बेमुदत धरणे आंदोलनाला पाठिंबा

भूमिपुत्रांना मोठ्या संख्येने उपस्थित राहण्याचे आवाहन

दिवा  : बेतवडे गावातील भूमिपुत्रांची गेल्या दहा वर्षांपासून फसवणूक झाल्याचा आरोप करत मॅराथॉन कंपनीविरोधात सुरू असलेल्या बेमुदत धरणे आंदोलनाला अधिक बळ देण्यासाठी शनिवार, दि. १८ जुलै २०२६ रोजी सकाळी ११ वाजता आंदोलनस्थळी विशेष बैठकीचे आयोजन करण्यात आले आहे.

भूमिपुत्रांना न्याय मिळावा आणि संबंधित बिल्डरवर फसवणुकीचा गुन्हा दाखल करण्यात यावा, या मागणीसाठी शेतकरी व भूमिपुत्रांनी १० जुलै २०२६ पासून बेतवडे येथील मॅराथॉन कंपनीच्या प्रवेशद्वारासमोर बेमुदत धरणे आंदोलन सुरू केले आहे.

या पार्श्वभूमीवर अन्यायग्रस्त भूमिपुत्रांच्या पाठीशी उभे राहण्यासाठी परिसरातील सर्व भूमिपुत्र बंधू-भगिनींनी मोठ्या संख्येने बैठकीला उपस्थित राहावे, असे आवाहन आयोजकांनी केले आहे.

या बैठकीचे निमंत्रक म्हणून काळू कोमास्कर (खंबाळपाडा), मधुकर माळी (भोपर), जे. एन. पाटील (बेतवडे), पद्माकर पाटील (घारीवली), राम म्हात्रे (देसाई), उदय मुंडे (आगासन), शशिकांत पाटील (डायघर), हनुमान पाटील (पडले), बळिराम म्हात्रे (गोळवली) आणि राजेश काळण (आजदे) हे कार्यरत आहेत.